علقت الفنانة ياسمين عبد العزيز، على الشائعات التي يتم تداولها من حين لآخر عبر مواقع التواصل الاجتماعي، بشأن هروبها من لقاء طليقها الفنان أحمد العوضي، في كل مناسبة فنية تجمعهما.
وقالت ياسمين، خلال لقائها مع الإعلامية إسعاد يونس، ببرنامجها “صاحبة السعادة“: “كمية كلام بيتقال كله كذب، وآخرها كان في السحور اللي حصل في رمضان، ولقيت الناس كلها على السوشيال ميديا، بتقول إني بصيت بعيد وبتنهد لما شوفت أحمد”.
وأضافت: “والكل فضل يقول انتوا في السحور شوفتوا بعض كل ده متركب أنا وأحمد مشوفناش بعض في السحور، هو كان موجود في وقت وأنا موجودة في وقت مختلف، يا جماعة ارحمونا بجد، هستفيدوا إيه إنهم يوقعوا بينا؟”.
وأردفت: “أنا طول الوقت بهرب، بفتح الفيسبوك ألاقينا حاضنين بعض، أفتح التيك توك ألاقيهم عاملين لينا فيديوهات، يا جماعة ارحموني الحاجات دي بتوجع وبفكر في اللي فات خاصة إني بحبه”.
وأكدت ياسمين عبد العزيز، أنها مازالت تحب أحمد العوضي حتى الآن، رغم انفصالهما، وتكن له كل الاحترام والتقدير، موضحة أنه وقع بينها الكثير من الخلافات قبل الطلاق.
