وأوضحت تحريات الأجهزة الأمنية أن وفاة ضيائي جاءت على بوابة أحد مستشفيات منطقة التجمع بالقاهرة، إذ تبين أنه تعرض لهبوط حاد في الدورة الدموية بعد مشاجرة مع فرد الأمن.
التحريات كشفت أيضًا أن الفنان الراحل اصطحب زوجته المريضة بالسرطان لتلقي جرعة كيماوي في المستشفى، وطلب الدخول برفقتها، لكن فرد الأمن رفض ودخل في مشاجرة معه، فصفعه الفنان على وجهه ورد له فرد الأمن الصفعة.
وأثناء خروج ضيائي سقط على البوابة الخاصة بالمستشفى متوفيًا، وجرى اصطحاب الشهود وفرد الأمن للنيابة للاستماع لشهادتهم، وفقًا لتقارير صحفية محلية.
![وفاة الفنان تامر ضيائي](https://cdn4.premiumread.com/?url=https://alyaum.com/uploads/images/2024/07/17/2360837.jpg&w=860&q=100&f=jpg)
وصية تامر ضيائي
وعانى الفنان الراحل من أزمة قلبية في مايو الماضي، وكتب بعدها عبر صفحته بـ”فيس بوك” وصيته لتنفيذها حال وفاته.
وقال ضيائي خلال المنشور: “بوست وصية.. هيفضل باين على صفحتي لحد ما أموت.. الحقيقة اللي كلنا عارفينها ومتأكدين منها إننا كلنا ربنا كاتب لنا إننا نموت في ميعاد محدد غير معروف، وعشان كده كتبت الكلام ده لأني محتاج حاجات معينة تتعمل وحاجات خايف تتعمل وأنا مش عايز حد يعملها لمجرد إنها معروفة ووقتها طبعاً مش هعرف أقولها لحد. ودي وصيتي”.
وأضاف: “صلاة الجنازة أهم من العزا وهي اللي كل ما العدد زاد كل ثوابي ما كان أكتر، فأرجوكم تصلوا عليا مش شرط تيجي العزا وياريت لو اتعمل في البيت أو مكان بسيط بفلوسه تطلعوا صدقة جارية أفضل”.
![الفنان الراحل تامر ضيائي](https://cdn4.premiumread.com/?url=https://alyaum.com/uploads/images/2024/07/17/2360838.jpg&w=860&q=100&f=jpg)
الدعاء والصدقة
واستكمل الفنان الراحل: “من فضلكم لم يثبت أو يتفق عليه عمل ختمة قرآن للمتوفي إنها هتوصله، بس مثبت إن الدعاء والصدقة بيوصلوا للميت، فرجاء دي بالذات بلاش وادعولي الوقت اللي هتقروا فيه جزء فضوا نفسكم واقعدوا ادعوا فيه، بلاش صدقة جارية تقليدية وسهلة ومش مستفاد بيها يعني المصاحف كتير في مصر أوي، وكل بيت فيه كتير فممكن نحط الفلوس في جامع بيتبني أو كرسى متحرك في مستشفى يستفادوا بيه المرضى أو دخول مياه لبيت غلابة أو بناء سقف لبيت فقراء، حاجات ناس تستفيد بيها لمدة طويلة”.
وتابع قائلًا: “اللي بيحبوني يدعولي كتير عشان لو مفيش حد يدعيلي ودي مهمة أوي أوي أوي عاوز الكل يسامحني على أي حاجهة عملتها فيه بقصد لو بدون قصد”.