في ظل محاولات تهدئة الأمور بين المطرب رامي صبري ومغني الراب ويجز، تدخل الفنان عمرو مصطفى، في الأزمة بطريقته الخاصة.
ونشر عمرو مصطفى، مقطع فيديو قصيرا، عبر حسابه الرسمي على موقع التواصل الاجتماعي “فيسبوك”.
وقال عمرو مصطفى، خلال الفيديو : “الولاد اللي عمالة تتخانق كل شوية وتقول أنا رقم 1 و18 و19، اتلموا عشان ولا إنت ولا هو ولا أي حد، أغاني كتير وسنين نجاحات، مسمعش صوت كل الصوت، قريبًا الأغاني بتاعتي اسمها ضهري ليكوا، عشان في وسط جديد جاي، هتوحشوني أوي”.
وعلق عمرو مصطفى، على الفيديو قائلًا :”ظهري ليكوا، رحيم الله يرحمه سكت بس أنا مش هسكت soon”.
تامر حسين يتدخل للصلح بين رامي صبري وويجز
وكان الشاعر تامر حسين، قد بادر لحل الأزمة القائمة بين رامي صبري وويجز، عبر حسابه على “فيسبوك”، قائلًا :”شهادتى فيك مجروحة، أنت صوت عبقرى مش محتاج رأيى وخطواتك ماشاء الله لطريق النجاح بتكبر وتزيد وكل سنه عندك هيت ناجح ومكسر الدنيا ولسه شايف ترتيب أنغامى أنت رقم ٢ ف الاستماع بعد الهضبة البوم مكانك وفى الصدارة”.
وتابع تامر حسين، قائلًا :”تصريح مش موفق مِن ويجز رغم إنى شفت له أكتر من لقاء كان راجل مُثقف ومُهذب جايز يكون واخد على خاطره ُ أو فِهم كلامك غلط إنما الأرقام اللى قالها مش أرقامك ولا الطريقة مُناسبه وإنت الكبير ياروما”.
واختتم تامر حسين، قائلًا :”ويجز لو يعرف إنت أول واحد باعتلى أغنية البخت وبتقولى الراجل ده عنده حاجه مختلفة مكنش هيزعل كده، دى شهادة حق والله”.
رامي صبري: ويجز أخويا الصغير
ورد رامي صبري، على بوست تامر حسين، على “فيسبوك”، قائلًا : “حبيبي تامر حسين الشاعر الكبير العظيم شكرًا على كلامك الجميل اللي زيك، وطبعا ويجز أخويا الصغير وأنا مسامحه وخلاص حصل خير”.
ويجز يرد على مبادرة الصلح بينه وبين رامي صبري
ورد ويجز، على مبادرة الصلح بينه وبين رامي صبري، عبر “فيسبوك”، قائلًا : “سامحتني قبل ما أعتذر.. أخلاق ملاك بجد أحرجتني بأدبك، حصل خير يا رامي، وبعدين أخوك الصغير إيه إنت عجزت؟ إنت لسه صغير أوي بالتوفيق يا مجتهد”.
