عبر الفنان تامر عاشور، عن سعادته لحصوله على جائزتين خلال حفل توزيع جوائز “بيلبورد عربية”، الذي أقيم مساء أمس الأربعاء، حيث فاز بجائزة أفضل أغنية مصرية 2024، وأغنية العام على مستوى الوطن العربي لنفس العام عن أغنية “هيجيلي موجوع”.
وكتب تامر عاشور، عبر صفحته على موقع التدوينات القصيرة «إكس»، قائلا: «الحمد لله.. أنا بعتبر 2024 خلصت على كده باستلام الجائزتين المهمين جدًا من بيلبورد اللي بجد بشكرهم من كل قلبي أفضل أغنية مصرية 2024، وأغنية العام على مستوى الوطن العربي لنفس السنة».
وأضاف: «الحقيقة عندي رسالة ولازم أوضحها بشكل أتمني تستوعبوه.. صُناع العمل اللي فُزت بيه بالأرقام وهم شغالين عارفين كويس جدًا إن حواليهم ملحنين وشعراء وموزعين جامدين، وشاطرين ويتعملهم ألف حساب وشغالين مع أنجح النجوم في مصر على مدار سنين.. علشان كده صناع العمل نجحوا ودخلوا وسط الكبار بالأعمال علشان».
وتابع تامر عاشور: «آمْنوا باللي حواليهم ونجاحهم.. على الصعيد الشخصي أنا كموهوب زيي زيهم بالظبط مآمن بكل الموهوبين والفنانين الكبار اللي حواليا أيًا كانوا بيقدموا إيه سواء راب، أو بوب، أو شعبي المهم عنده الموهبة ولا معندوش.. مش متخصص في المزيكا ولا مش متخصص.. سيد درويش اتعلم الكتابه في سن الـ10 سنوات وتم تلقيبه بـ فنان الشعب».
وواصل: «عمرها ما كانت شرط انا تجربتي كانت اني دخلت كليه تربيه موسيقيه ومتوفقتش فيها بسبب ايه مثلا تفتكروا ؟ نسبه الغياب والله ومع ذلك لحنت فوق الـ 150 لحن لكل فنانين الوطن العربي بلا استثناء ما عادا واحد بس وانا مش قسم تأليف موسيقي ولا حاجه وعندنا فنان كبير برضه كان عمل اعمال كتير مكسره الدنيا وكان خريج حقوق ف، بالعكس والا بقى كل الأساتذة المتخصصين والطلاب اللي بيدَرّسوا ويدرسوا ف الكليات والمعاهد الفنيه بقوا نجوم كبار ومبقاش حد بيدَرِّس بقى! محدش ودنه بتتصمم بطريقه معينه علشان دارس موسيقى.. ده اسمه تضليل، يقولوا على نفسهم متخصصين وبيزوروا ».
واستكمل تامر عاشور: «تضليل الناس في البرامج بأرقام وهميه وبيرتبوا كمان هم رقم كام ف السوق ومقفلين اللعبه بشكل عبقري عالآخر واعلى اغنيه عندهم السنه دي لا تتخطى ال ٧ مليون السؤال بقى هل علشان ربنا كتب ليا النجاح السنادي ب افضل اغنيه على مستوى الوطن العربي وافضل اغنيه ف مصر يبقى انا ملك العالم ؟ او باقي الفنانين مالهمش وجود .. بما فيهم المُضلل حتى ؟ انا متأكد وعلى يقين ان ممكن بكره فنان ولا انا ولا انت سمعنا عنه يعمل عمل فني محترم وياخدها السنه الجايه وده تنافُس وده جمال المزيكا وحلاوتها انها بتتنوع وتختلف من شخص لآخر ببصمه كل شخص موهوب مش دارس ولا متخصص علشان نخلق رصيد يستفيد منه الجمهور بدون تزوير في ارقام وضحك ع الدقون ف برامج ..واخيرا … شوف انت بتعرف تعمل A وانا بعرف اعمل A بعرف اعمل الـ 2».
حفل تامر عاشور في رأس السنة
وفي نفس السياق، يستعد الفنان تامر عاشور، لاحياء حفل غنائي، في أحد الفنادق ببرج العرب بمحافظة الإسكندرية، يوم 28 ديسمبر، لإحياء حفل في الإسكندرية يوم 28 ديسمبر، وذلك في أحد الفنادق ببرج العرب.
ومن المقرر أن يقدم الفنان تامر عاشور، خلال حفلته في رأس السنة، أهم وألمع الأغاني التي يُحبها الجمهور ويتفاعل معها الجمهور، منها: «هيجيلي موجوع»، «كل يوم»، و«مبقاش»، و«نفسى اقولك»، و«أنت اخترت»، و«في ليالي عذابي معاك».
أسعار تذاكر حفل تامر عاشور في رأس السنه:
تنقسم أسعار تذاكر الحفل لـ 4 فئات، وتبدأ من 60 ألف جنيه للطاولة، وحتى 1900 جنيه، و900 جنيه.
شروط حضور حفل تامر عاشور:
1- لا يوجد استبدال أو استرداد لـ تذاكر الحفل.
2- الحضور بالملابس الرسمية.
3-ممنوع اصطحاب الأطفال أقل من 12 سنة.
