رد طاهر شقيق الملحن الراحل محمد رحيم، على ما قالته الفنانة شيرين عبدالوهاب، خلال حفلها بالكويت، عبر حسابه الشخصي على موقع التواصل الاجتماعي “فيسبوك”.
وكتب طاهر رحيم، قائلًا : “الوحيد اللي حاسس وعارف حقيقة كل اللي عديت بيه نفسياً أنا وكل أسرتنا هو أخويا وأخو رحيم التالت الصادق الجميل تامر حسنى”.
وتابع طاهر رحيم، قائلًا : “الله يسترك يا تامر على قلبك اللي مشوفتش زيه في حياتي متشكر يا راجل يا أصيل لوقفتك جانب كل العيلة وإصلاحك لما أفسدته الفتنه بينا كلنا، متشكر لتكريمك لأخويا بإيدك لآخر حباية رمل في تربته”.
وأضاف طاهر رحيم، قائلًا : “فعلاً شيرين أختنا وأنا زعلت عشان جالي الڤيديو في الأول جزء بتضحك فيه، بس لما أنت بعتلي الڤيديو كامل وشرحتلي عرفت إنها حقيقي زلة لسان وأنا متأكد من رأيك”.
واستكمل طاهر رحيم، قائلًا : “ربنا يجازيها كل خير كفاية إنها حاولت تكرمه وسط جمهورها”.
وأردف طاهر رحيم، قائلًا : “لكل محبين أخويا أنا بقرأ كل كلامكم الحلو والجارح اللي بيتقال ظلم ليا دون علم الدواخل ودون علم بنفسيتي إزاي انهارت واتصدمت بسبب فراق أخويا وانقسم ضهري”.
واختتم طاهر رحيم، قائلًا : “بقيت عايز أضم كل الناس والفنانين في حضني عشان رد اعتبار أخويا في الدنيا بعد ما مات مقهور من تهميشه بقيت عايز أوصله وأقوله بص يا محمد بيحبوك إزاي بص مقدرينك إزاي وتاني أنا أسف للجميع، شكراً يا تامر”.
أزمة شيرين عبدالوهاب في حفل الكويت
وكانت شيرين عبدالوهاب، قد أثارت أزمة في الساعات الماضية، عقب طلبها قراءة الفاتحة على روح محمد رحيم، ووقعت في زلة لسان أثناء حفلها بدولة الكويت الذي أحيته يوم الجمعة الماضية.
وفاة الملحن محمد رحيم
ورحل عن عالمنا الملحن محمد رحيم في الساعات الأولى من صباح يوم السبت 23 نوفمبر 2024 إثر أزمة قلبية مفاجئة ألمّت به أثناء وجوده في منزله، وشكّل خبر وفاته صدمة كبيرة في الوسط الفني وبين جمهوره ومحبيه، الذين عبّروا عن حزنهم لفقدان موهبة مميزة تركت بصمة واضحة في عالم الموسيقى.
