هاجم الفنان وائل عبدالعزيز، شقيق الفنانة ياسمين عبدالعزيز، مجموعة من الفنانين بعد تصريحاتهم الأخيرة عن الزعيم عادل إمام.
وكتب وائل عبدالعزيز عبر صفحته على موقع التواصل الاجتماعي «فيس بوك»، قائلًا: «هو في إيه على الزعيم عادل إمام اليومين دول، الراجل معتزل وقاعد مع عيلته بينبسط، وقفل المنهج مرتين بعدد أفلام ومسرحيات ومسلسلات تليفزيون وإذاعة، لو قعدت عمرك كله عشان تحقق ربع أعماله مش هتعرف».
وتابع: «كنت تقدر تتكلم على الراجل وهو شغال.. مستحيل.. احترموا رموز مصر عيب مش كده.. الزعيم مكنش بيقعد غير مع رؤساء دول، ولما كان بيسافر دولة كانت بتتقفل من الزحام عليه.. اسكتوا شوية واتلهوا بقا، أنتوا مين عشان تقيموا فنان كبير وقامة زي الأستاذ.. زمن غريب جدا».
أحمد الفيشاوي في تصريح صادم عن عادل إمام
وكان الفنان أحمد الفيشاوي، قال في تصريحات تلفزيونية، أن والده الفنان فاروق الفيشاوي أكثر موهبة ووسامة من الزعيم عادل إمام».
سلوى محمد علي تنتقد أعمال عادل إمام
ومن جانبها انتقدت الفنانة سلوى محمد علي، في أحد الفاعليات الفنية، الزعيم عادل إمام، بعدما قالت :«عادل إمام لم يكن يبحث عن رسالة محددة في أعماله، الرسالة في العمل الفني ما تخليش دمه خفيف».
وأضافت: «أنا مش فاكرة إن الفنان عادل إمام اللي هو الزعيم وأكبر فنان متحدث باللغة العربية قدم رسائل في أعماله، عنده أفلام حلوة كتير مفيش فيها رسالة، ومعظم الكوميديا مفيش فيها رسالة».
